اجمل تاج فى حياتى

أعطيتك ثلاث وردات .. من هم الثلاث أشخاص اللى هتهديهم الورد اللى معاك ؟؟

اول وردة للأسرة الكريمة

و تانى وردة للأصحابى اللى بحبهم جدا فى الجامعة و هم ياسمين و تغريد و شيماء

و تالت و ردة لكل المدونات و المدونين و لعالم التدوين كلة نفر نفر

لو أعطيتك ورقة بيها 3 سطور فقط قلت لك أكتب فيهم اللى أنت عايزه هتكتب إيه ؟؟

لا الله الا الله

محمدا رسول الله

و لا حول و لا قوة الا بالله

ما هو هدفك فى الحياة؟؟

انى اتخرج من الجامعة على خير و اشتغل بس اكيد دة فى الاحلام او فى المشمش انى اشتغل

إن شاء الله بكرة هيكون أحسن من النهاردة "هل تصدق هذه المقولة ولماذا !!

الصراحة المقولة دية انا بحبها اوى و بقولها كل يوم لما حاجة تزعلنى و اقول غدا يوم اخر و ان يجى الاخر دة بس الحمد الله على كل شىء

أجمل مقولة سمعتها فى حياتك ؟؟

عيش نملة تاكل سكر عيش فيل تاكل نجيل

من المغنى اللى بتحبه أوى ؟؟

عبد الحليم حافظ و فيروز (يا انا و شط اسكندرية) و حاجات كتير

غزة " تمثل لك إيه فى حياتك ؟؟

يعنى هى بلاد عربى غالى علينا كلنا و يارب يرجعهلنا

أعطى لإنتمائك لوطنك درجة من مائة؟؟

طبعا و بدون كلام 100% دية مهما كان بلدى و هتفضل بلدى

و مصر هى امى هههه

لو تزوجت و أنجبت بنتين و ولدين أى الأسماء
تختار لهم ؟؟

انا الصراحة نفسى اخلف بنات بس و كلهم يبقوا بنات بس السبب ان

الاولاد تربيتهم اصعب من البنات

فى الينات (ملك و شهد و جميلة و باكينام)

فى الاولاد(هيثم و هانى و مازن)

عمرك غشيت في امتحان وانت صغير؟؟

عمرى ما غشيت فى حياتى لانى مبعرفشى بس كنت بغشش و كنت بقع و المراقب ياخد باله

لو أتعرض عليك رشوة كبيرة هتعمل اية؟؟؟

لأ طبعا دة لو حصلى اية لا يمكن اقبل على نفسى فلوس حرام

قول 3 صفات ب 3 كلمات بس وصف بيهم شخصيتك؟؟

خجولة جدددددددددددددددا

هادية جدددددددددددددا بطريقة مملة بس لو حد اتكلم معايا بفتح على طول

اتقى شر الحليم اذا غضب

صفة عايزها في شريك حياتك؟؟؟؟

طبعا هى صفات مش صفة واحدة بس اهم صفة هى التدين و انه يعرف ربنا

ايه المجال اللى غير دراستك وشايف نفسك فيه قوي ؟؟

كان نفسى اوى ابقى فنانة و ارسم لانى بحب الرسم اوى

بتحب السفر ؟؟؟؟

؟يعنى مناطق معينة على وجه الارض بس مش خارخ مصرزى اسكندرية بموت فيها و نفسى اسكن فيهاعلى طول

وبشكر جدا حسن حنفى على التاج و انة افتكرنى و يارب دوام التواصل انشاء الله